Filipino: Wika ng Saliksik

       Ang wika ay isang bahagi ng pakikipagtalastasan na ginagamit araw araw. Ito ang ginagamit natin upang maibahagi ang nais sabihin ng ating kaisipan kaya naman napakaimportante nito sa atin sapagkat ito ang ating nagiging tulay upang magkaintindihan at makipagugnayan sa isa't isa.Ang saliksik naman o ang tinatawag nating "research" sa ingles ay isa sa pinakamahalagang elemento ng pagpapaunlad ng kaalaman.
       Tuwing buwan ng Agosto, ipinapagdiriwang natin ang Buwan ng Wika. Ang tema ng pagdiriwang ngayong taon na ito ay" Filipino: Wika ng Saliksik". Ito ay kumikilala sa wikang Filipino bilang midyum sa paglikha at pagpapalaganap ng pambansang karunungan at kaunlaran.Ibig sabihin nito ay maaari nating gamitin ang  ating sariling wika na Filipino upang maging instrumento sa mahusay na pagsasaliksik. Sa pamamagitan nito mabilis lang nating maipapahayag ang nilalaman ng ating mga isip sapagkat wika naman natin ang ating ginagamit. Nagiging komportable rin tayo sa pagbabahagi ng ating mga kaalaman dahil sa paggamit ng sariling wika. Mabilis rin tayong magkaintintidihan sa isa't isa. At syempre, makatutulong rin tayo sa pagpapaunlad ng ating bansa.
       Kaya't tayo na at makiisa. Atin nang gamitin ang wikang Filipino sa pagpapalawak ng ating karunungan at sa pag asenso ng ating bayang minamahal.