Gadgets: Tulong nga ba ang dala?

         Sa henerasyon ngayon, dahil sa teknolohiya, marami na ngayon ang mga taong mas naaadik sa paggamit ng gadgets. Marami sa kanila ang nagbibigay ng panahon sa ganitong mga ganitong bagay. Para bang gadgets na ang siyang mismong komokontrol sa buhay ng isang tao. Sa pang araw-araw nilang buhay ay hindi nawawala ang gadgets sa kanilang tabi.hindi mabubuo ang kanilang araw kapag hindi nila nahahawakan ang kanilang mga cellphones. Dahil dito, naapektuhan na ang kanilang kinabukasan pati na rin ang kanilang pakikiugnayan sa kanilang pamilya at mga kaibigan.

        Minsan, mas pinipili nating mag-isa kasama ng ating mga gadgets. Kadalasan nga, kahit kasama natin ang ating mga kaibigan,parang mag-isa naman tayo dahil may sari-sarili naman tayong mundo.Dahil dito,mas naibibigay natin ang buo nating atensyon sa gadgets kaysa sa mga taong nariyan lang sa ating tabi. Mas bibibigyan nating importansya ang isang bagay kaysa sa mga mahal natin sa buhay. Inuubos natin ang ating panahon at oras sa mga bagay na hindi naman natin madadala sa ating pagkamatay samantalang nagagawa nating isakripisyo ang mga alala natin kasama ang ating mahal sa buhay. Tuluyan ring nasisira ang ating kinabukasan dahil sa mga gadgets na ito. Dahil nga sa kaadikan natin dito, minsan mas inuuna pa natin ito kaysa sa pag-aaral.

         Hindi dapat inuubos ng mga kabataan ang kanilang mga oras sa mga walang kakwenta kwentang bagay. Dapat mas pagtuunan nila ng pansin ang kanilang mga pamilya at mahal sa buhay.Ang mga gadgets, hindi habambuhay nasa tabi mo iyan, maaari pa silang mawala sa iyo pero ang pamilya nandyan lang sila kaya't habang nabubuhay pa tayo sa mundong ito,ibigay natin ang buong atensyon at oras sa kanila dahil kapag ang oras ay natapos o naubos na,hindi na ito muling maibabalik pa.